Poslovne vijesti - Makedonija

Сертифицирани првите управители со отпад

Министерот за животна средина Абдилаќим Адеми вчера ги додели првите сертификати на новите управители со отпад.

Од вкупно 88 пријавени кандидати, кои годинава прв пат посетуваа предавања и обука за стручна оспособеност за управители со отпад, 78 успешно го положија испитот и се здобија со сертификат. Според Законот, управителите се вработени во компании кои работат со отпад.

„Новите управители ќе се грижат за реализација и спроведување на годишната програма на правните лица, следење на тековната состојба во управувањето со отпадот, за намалување и отстранување на создадениот отпад, информирање за можното загрозување на животната средина, животот и здравјето на луѓето што е резултат на производството, третманот, преработката и отстранувањето на отпадот и ќе предлагаат конкретни решенија за правилното постапување со отпадот, како и контрола на видот и количеството на отпадот што се создава, преработува и се отстранува“, истакна министерот Адеми.